كيف أستعد لإختبارات منحة Iti ؟ ومن أين أبدأ ؟

"فيديو يوضح الثلاث مقابلات للمنحة وكيفية اجتيازها وكيف يتعامل المبتدئين "

 زائرنا الكريم المتقدم لمنحة المعهد القومي للإتصالات Iti عشان تحدد طريقك ووجهتك بشكل صحيح يجب أن تضع في عين الاعتبار الاسئلة الاتية:-

1. ايه التراك اللي انا بميل له؟؟؟  (تراك : يعني قسم أو تخصص)
2. ايه المواد والماتريال اللي انا أكون جاهز بيها للإختبارات  ؟؟؟

وبعد اختيارك للتراك اللي انت عاوزه ابدأ في جمع الماتريال الخاصة بالقسم ده

طب هتلاقي فين قوائم تراكس المعهد "أقسامه"؟؟؟

في المدونة هنا أدخل الصفحة الرئيسية هتلاقي هيكل وتقسيمة كده فيها تراكس المعهد والماتريال الخاصة بكل قسم وتجارب وخبرات سابقة لمن اجتازوا الانترفيو بنجاح حاول تقرأ عن كل قسم والقسم اللي انت تختاره ابدأ جمع الماتريال الخاصة به

طب هذاكر ايه بجانب ماتريال القسم اللي انا أخترته؟؟؟

الامتحان الخاص بالانترفيو بتاعك بنسميه (تكنيكال) لكن عشان توصل لإنترفيو التكنكال عليك اجتياز اختبارين مهمين جدا :-

1. Iq  (الذكاء العالمي)
2. English
3. soft skills

(ممكن تقرأ عنهم من المدونة دي وتعرف ازاي تستعد للإختبارين دول)

نصايح هامة جدا..أفعال لابد من تجنبها خاصة في هذه المنحة

• التوتر: اوعي تتوتر لان التوتر هيضيع منك كتير لان امتحان (Iq , English ) دول بيبقي في عد تنازلي  شغال وانت بتمتحن امامك علي الشاشة لو فضلت تتوتر أكيد هيأثر سلبا علي حتي الاسئلة اللي ممكن تكون سهلة ومذاكرها عشان كده Keep focus and confident  وكن هادئ في اختيار الاجابات ولو عدي عليك سؤال محتاج تفكير سيبه للأخر وابدأ خلص السهل الاول وفي الاخر حل الصعب

• حاجة تانية بمجرد دخولك المنحة دي في حاجة لازم تحطها في دماغك

(احساس انك جاهز بشكل كامل وبرفكت صعب لانك هتلاقي كل شوية في حاجة جديدة وناقصة وحاجة مفروض تتذاكر كل شوية هتلاقي مسائل جديدة يتناقلها زملائك في الجروب) فدا احساس طبيعي لان المجال بحر والاي كيو والانجلش بحور فدا طبيعي أهم شئ تكون واثق من نفسك وذاكر اللي عليك واجتهد وربنا هيوفقك

• ذكرنا في مقالاتنا هنا انك لازم في الماتريال الخاصة بكل تراك تكون عارف أساسيات بس ولو سألت أي حد تاني هيقولك نفس المعلومة ...لكن ده مش معناه تعرف كلمتين بس عن التراك أو تقرأ عنه قشور القشور وبس !!! ....النصيحة اللي في موضعها الصحيح هي انك تحاول تتعمق قدر الامكان طالما في وقت قدامك ...كل المتقدمين للمنحة هيدخلو عارفين الاساسيات البسيطة اللي انت بتقول عليها فكيف لك أن تتميز !!!

• أما بالنسبة للإنترفيو الخاصة بإمتحاني (soft skills , techneichal) أو في أي انترفيو عموما هتروحها بعد التخرج يجب أن تراعي فيها الاتي:-

1) الانترفيو مع HR هي عبارة عن تمثيل يجب أن تؤدي دورك فيها بشكل بارع لو سألك في أي أي سؤال زي مثلا :

(عملت ايه بعد التخرج؟؟) حاول بذكائك تسحبه لمنصة قوتك أو لكورسات انت أخدتها أو أي حاجة انت بتبرع فيها زي مثلا (انا نفذت مشاريع في الويب وانا بحب الويب...الخ )  فكده انت بتسحبه بطريقتك لعرينك اللي بتعرف تتكلم فيه ببراعة وثقة

2) لاتتفاجئ إن استغرق امتحان ال soft skills مدة خمس دقائق فقط أو أقل!! ده شئ طبيعي هو اللي بيختبرك بيحاول يشوف حاجة في شخصيتك ممكن يعرفها في إشارة بس

3) وانت في الانترفيو حاول تكون بتتكلم (with communication skills) ايدك وحركات عيونك تعبر مينفعش تكون بتتكلم (like robot or like dead man) لازم الحركة تتكلم معاك ويكون عندك حضور

4) نصيحة أخيرة وخطأ الكل بيقع فيه (أرجوك نام كويس قبل الامتحان مش تطبق ) عامل التركيز بيبقي مطلوب بدرجة كبيرة في الامتحان ولو رحت مطبق ده هيأثر بدرجة كبيرة علي الامتحان بشكل سلبي 

ملف تجارب الناس في الفاينال انترفيو من هنا

مع أطيب تمنياتنا بالتوفيق للجميع

تعديل المقال